【回忆】

女：(独白)我惊日落。因为日落之后就会天黑，天黑之后，冇咗阳光，会见唔到好多嘢，好冇安全感。好想有人陪我，陪我捱过每一日嘅夜晚……已经係第十八次问你喇，天黑嘅时候，你喺边啊？

男：(独白)由细到大，每次落雨嘅时候，我都唔中意一个人。因为喺落雨嘅时候，旁边嘅人都会举起佢哋把遮，好似隔离我噉，我觉得一个人担遮，係一种悲哀……已经係第十八次问你喇，落雨嘅时候，你喺边？

【遇见】
（音效：雨聲）

女：喂，有冇搞错啊，落鬼咁大雨，淋到湿晒。

男：呃，如果唔介意，我遮埋你啊。

女：吓！呃~噉啊~好喇，唔该晒。

（音效：电话铃声）

BGM：爱情转移

男：喂。咁啱嘅，我都諗住打俾你噶，係呢，你搵我咩事？

女：你可唔可以嚟陪下我啊，我唔想今晚又一个人过啊。我惊啊。

男：不如你出嚟啊，而家落紧雨啊，出嚟陪下我啊。

女：我唔想夜晚出去啊，我净係想你陪我。

男：噉你而家出嚟，我咪陪到你咯。

女：算喇，我知你唔会嚟。