失爱-最后的失爱   编剧:VISA   整理：石頭

浪漫電台出品

角色：阿LU（女） 阿泰（男） Mandy（女） 阿正（男） 阿SU （乸型） 服务员（女）

服务员:两位,有咩可以帮到你哋啊?

阿LU:门口写住六千九百九拾九嗰个套餐,唔知你哋可唔可以再畀Discount我哋呢?

服务员:噉..其实要睇番譬如係要边啲景点嚟影啦,或者喺婚礼当日要唔要摄影师同车啊!又或者係个化装师book一期定係两期呢?

阿LU:泰啊!你话要唔要摄影师好呢?

阿LU:（提高音调）阿泰!

阿泰:（心不在焉）吓~哦!噉就要呢个啦!

阿LU:小姐啊,唔好意思啊,原嚟我同佢未去到呢个moment!

阿泰:（無辜）喂~你又做咩啊?

阿LU:（氣憤）你叫我点样将一世嘅幸福,交畀一个连同我影婚紗相都开小差嘅男人?你啊?

阿泰:噉仲结唔结啊?

阿LU:（堵氣）是但啦!

-----------------------------------------------

阿正:嗱~我哋呢次嘅婚礼一定要搞得好好睇睇,布景个方面一定要见到个海,东边 南边同埋西北边分别set三个camera,出嚟个效果要比HD更HD啊!

阿正:老婆?老婆!

Mandy:吓~?我哋讲到边度啊?

阿正:你係咪唔舒服啊?

Mandy:冇啊!我諗紧其他嘢嗻,你哋继续啦,我去斟杯水!

阿正:噉好啦!我讲埋小小先!

阿正:budget个方面唔使担心,我会提前一个星期

Mandy:唉… …!

电话铃声：杨丞琳-我们都傻 

Mandy:喂?

阿SU:喂?Mandy啊?晏昼係咪陪你买嫁装嗻?

Mandy:SU啊?你话…我嫁唔嫁好啊?

阿SU:傻女,几多女人想黐埋你老公嗰度啊?有钱又靓仔!你呢?虽然唔係富贵,但放弃咗呢个富贵,以后你就弊砹架啦!

阿SU:你仲挂住佢啊?

Mandy:嗯!

阿SU:阿姐啊!你唔好发梦啦!都四年喇!揾唔翻架啦!

Mandy:或者係啦!

阿正:咦?走得未啊?

Mandy:哦!SU啊我..我..我唔同你讲喇,晏尐见啦!

阿正:哈,你…冇咩事丫?

Mandy:冇啊!走得咯呵?噉我哋行喇!

-----畫外音8兩人一齊-------------------------------

Mandy:（混響）估唔到,噉快就四年喇!

阿泰:（混響）估唔到,噉快就四年喇!

Mandy:（混響）睇住马路上嘅行人,渐渐觉得自己就好似一个石趸,你走咗,而我就喐唔到!

阿泰:（混響）属于我嘅躯体居然唔见咗我嘅灵魂,但点解我又会有思想?呢尐係咪叫游魂啊?

Mandy:（混響）我经过间酒店

阿泰:（混響）我经过间酒店

Mandy:（混響）係间酒店既左则望上去,多咗好多过年嘅装饰,过年啦!係时候结婚喇!