擦肩无过--沒有家的女孩　浪漫電臺出品  编剧：宁静　　　整理：石頭

万宁：（唱）“我已经开始练习，开始慢慢熟悉，熟悉这世界没有你。。。”

万宁：（独白）你粒声唔出就緊走咗，你知唔知我呢几年点过架？你老婆，即係我阿妈哩，前年结咗婚，生咗个细妹，不过，我未见过，阿妈话最好冇见喎，佢老公唔中意。

（电话响，无人接，电话录音）

万宁：我家阵唔响屋企，但咪諗住来打劫啵，唔係黑带九段都可以打到你呕白泡，有嘢就讲低，冇嘢就收皮。

（嘟。。。。。。。。。）

妈妈：你讲嘢几时学得噉粗鲁架？尐姨妈姑姐听到会话我冇家教架。

万宁：（独白）哼~你都会惊佢哋话我冇家教嘅咩？

妈妈：生活费已经转咗过你张卡，唔够可以开声。

万宁：：（独白）我咩都唔多，就係钱多。

妈妈：噉夜仲出街吖？成十一点几嘅嘞，一个女仔人家好危险噶。

万宁：（独白）你未试过一个人对住四面墙有几恐怖，如果你係惊我危险，当初又抌低我自己一个？

妈妈：得闲就煲多尐汤饮，我唔係好方便过你嗰边。

万宁：（独白）即食面嗰尐汤料，一丁就有，好多只味架，方便过你嗰尐好多。

妈妈：仲有，（渐减）有冇事畀心机读书吖？

（一按，熄机）

万宁：（独白）废话

===========================================================
（手机声）

万宁：上川？

上川：有时间就出来啦。

万宁：有时间，冇心情。

上川：一百。

万宁：食饭。

上川：二百。

万宁：食饭，行街。