简介: 当初我们一无所有的来到这个世间，赤身裸体，离开的时候自然也该空空如也。不染尘埃。我们自始至终，都是清清白白，干干净净的，请让我沉入海底（此本还有女女版哦）

---小落

美工：泽鹿

（我太喜欢啦！）

 国语男女原版ID：「60814」《请让我沉入海底》妖奈奈「原创」

 国语双女原版ID：「43643」《请让我沉入海底》妖奈奈「原创」

注：剧本为原创作品，未经允许，禁止转载，暂不开放广播剧授权，但现场pia戏录音随意，只要你们标上作者名（重点！），不用于商业用途（重点！），我就不管你们传哪儿去，也不用来问我。

粤语版《请让我沉入海底》仅限于戏鲸娱乐，未经原作者妖奈奈授权，禁止任何商业用途！禁止转载其它平台！

***********************

*编剧&后期：妖奈奈*

**********************

粤语改编 / 统筹：柳如诗

 【妖奈奈 2023.9.20 授权于 柳如诗 粤语改编 ，2023.12.23 一日内独自完成粤语版改编】

按照妖奈奈原来的BGM，人声音效，专业粤语CV配的音效。

做后期比写本累多了！┭┮﹏┭┮ 因为我要抽时间反复推敲台词和录制，二是我后期反复修改上传。一天内翻译完还是太草率了。

鸣谢CV

CV：J（匿名）--- 妈妈 / 妇女

CV：B（匿名）【粤语港】编外成员 ----女人

CV：飞小机呼呼呼【粤语港】---- 男

【剧本角色】

小落：女，早年辍学，独自在外漂泊。孤僻，倔强，（可能有抑郁症也可能没有，CV自己领悟看吧）

小穆：男，年轻老师，是个gay,也是小落的网友，gay蜜，乐于助人，有耐心，但对自己的事情缺乏勇气，习惯性妥协（他是干净温柔，但不是娘哦，切记注意！）

*********请让我沉入海底BGM1**********

（以下qq聊天，小穆全程混响）

小穆: 早晨，小落，食咗饭未？

小穆: 仲唔起身，今日我得三堂课诈，下昼再搵你倾吖。

（下午三点）

小穆: 收工咯，卒之都上完课，好彩今日得几堂课诈，唔系嘅话，真系搞唔掂嗰班细路，腿都仲未酸，口水都干晒，我以后都唔想有细路，管教认真攞命！

小落:（回复）我都系吖。

小穆: 舍得覆我嘞喇，咩你都系？

小落: 唔想有细路。

小穆: 你仲细，咁好正常啫。

小落: 我哋好似系同岁喎。

小穆: 嗯，都系九几年嘅，都可以叫得阿姨嘞，哈哈

小落: 你唔钟意细路，咁点解要做老师？

小穆:冇咩钟唔钟意，钟意乖猪，唔钟意百厌星啫。

小落: 你班咁多百厌星咩？

小穆: 多吖，家阵啲细路仲难搞啲大人，我好似佢哋咁大嗰时，一听到老师把声就手滕脚震，边似得佢哋，仲可以笑畸畸。

小落: 你咁温柔，边适合做老师呀。

小穆: 唔系啩？我温柔？咪以为我系你嘅gay蜜，就觉得我系死老鼠喎！你冇见过我上堂个样诈，教鞭喺台面噼啪响嗰时，我把声仲大过河东狮呀。

小落:（内心）小穆系我识咗一年几嘅网友，其实大家仲未见过面，亦都冇视频过，唔经唔觉，我哋就做咗朋友。初时我以为佢对我有意思添，后尾佢话畀我知，佢系gay，我又唔觉得奇怪，然之后，我哋就成为咗朋友。朋友……我唔多讲说话，甚至乎显得有啲冷漠，但系佢都唔介意，永远都系温温柔柔，充满活力咁同我打招呼，于是乎，我久不久同佢倾下偈，直到习惯咗同佢倾偈。讲到自己好恶嘅小穆，永远都唔知自己有几温柔。

小穆: 系喇，你啱啱起身咩？

小落: 嗯

小穆: 你咁落去点得㗎，早餐梗系要吃㗎喇。

小落: 落雨，我唔想食呀。

小穆: 系唔想食，定系唔想起身呀。

小落: ……都系咁话喇。

小穆: 如果我喺你身边就好嘞，我每日早起咪可以带饭畀你咯。

小落:（抿唇）你……点解要对我咁好？

小穆: 咩呀，带个饭就系对你好呀？我返学嗰阵，宿舍啲人，边个起身早就要带饭。

小落: 真系好！

小穆: 可惜我哋唔系现实识嘅，系嘞，小落，等学校放假之后，得闲饮茶，你话系边度嚟？

小落: 冇！唔使。

小穆: 系唔系我哋识咗冇几耐，你唔放心吖？都啱嘅，家阵网上面基谨慎啲好，等我哋再了解多啲再讲喇，哈哈

小落:（混响）我就冇再覆佢，其实，我觉得我唔需要朋友，话晒咁多年都系一个人捱过来。屋企耐唔耐打电话过来，问我有冇男朋友，叫我返乡下相睇，有时我觉得好Q烦，甚至乎就嚟窒息，我好想掟烂部手机，或者大喝佢哋一声，唔好理我，你哋就当冇我呢个女得唔得？但系谂番转头，手机好贵，孝道都好贵，边有子女咁样同父母讲嘢，系咪？我经常喺度谂，我唔需要朋友，亦都唔会拍拖，我系一个冇感情嘅杀手，哈哈……

（在空间写下私密日志）

小落：Hi~ 今日小落有咩心愿？嗯……做一个冇感情嘅杀手，唔得喎，小落身喺俗世，点可以断情绝爱㗎，好喇，今日又系一个有感情嘅小落喇，哈哈……

（闭眼，放下手机，脸埋在枕头上，一点水渍浸染开）

**********请让我沉入海底BGM2***********

（第二天早上）

【打语音电话，接听】

小落:（睡意朦胧）你做咩吖……

小穆:【电话音】快啲起身，起身喇！太阳 晒  椤柚 （屁股）喇！

小落:（烦躁）好眼 瞓< fan3>（困）吖！

小穆: 咁都要起身食早餐㗎！咁落去点得㗎，起身食早餐喇，一系咁，以后我起身食早餐，你都要一齐，唔准关机吓 ！唔系嘅话，我就吵醒你!

小落:（吼）你好撚烦！唔好理我得唔得呀！

（吼完，一阵寂静，良久）

【0:40音乐起】

小穆:……对唔住【挂断 0:45】

小落:（沉默的望着手机，突然，电话又响起，愣愣的接听）喂

【音效 0:57 】妈妈: 喂，乖女呀，你有冇收到我发畀你嘅信息吖，嗰个男仔系你芳姨介绍嘅，话佢份人唔错㗎，屋企有车又有楼，你快啲加人微信，好好噉同人地倾下听到未？你咧，都系时候要结婚㗎喇，（淡去）然之后……（声音逐渐淡去）

—— CV：J（匿名）【粤语港】编外成员

小落:（麻木的应承）嗯……哦……好……嗯……知喇，好……（过了半天回神，才发现对方早就挂断了，自己还在那嗯哦，喃喃）哦，早就收咗线（想起前后两个电话的对比，自嘲一笑）呵，真系好嘢，对唔钟意嘅人阴声细气，同钟意嘅人拗颈。

（翻看小穆转发的空间动态）

小落: 咁……

小穆:（混响）喺旧年嘅今日，张女士查出有胃癌，原因系常年食饭唔规律同埋各种原因所致，葬礼，寻日喺深圳举行，多谢张女士嘅亲朋好友过来，佢呢个号嘅最后一条信息系我发嘅，将会注销呢个ID，希望佢一路行好，同时希望睇到呢条信息嘅朋友，保重身体，一定要好好食饭，尤其，早餐非常紧要。冇觉得好夸，亦都唔好有侥幸心理，我好真诚咁希望我嘅朋友都可以好好哋，身体健康，先至可以拥抱呢个美好嘅世界。

小落:（咬唇）美好嘅世界……美好咩，系你谂得太美好啩（哽咽，自言自语）冇挐挐（无缘无故）咁早嗌我食早餐，你傻咗 ？抵死嘅人都会死，根本改变唔到。

小落:（打字）我今日……唔系有心㗎……其实我…唔得，删咗佢（删掉，重打）吵醒我会发烂渣㗎，所以今日……唉，都系唔得。删咗佢（删掉，烦躁）我点解要同佢讲呢啲嘢呀？大家网友啫……（再次打字）你空间发嘅嘢，我见到嘞……节哀，其实人都会死，只系迟早嘅事，边个都一样，包括你同我（顿）不过如果系你嘅话，我希望你迟死过我，唔系，系迟死好耐（想了想，这条发了出去，没过一秒又给撤回了，烦躁）由佢喇！

小穆:？你撤番咗乜嘢？

小落:（心猛的一跳，内心）佢冇 嬲<nau1 >（生气）我咩？点解发信息畀我？（抿唇，打字）我以为……你唔理我添。

小穆: 乜我喺你心入边咁小气嘅咩。

小落: 点解呀？

小穆: 乜点解啫？

小落: 我冇钱，你又得唔到。

小穆: 喂？我几时贪你啲钱呀？

小落:我系女嚟㗎 ，你系gay，所以你贪唔到我嘅色。

小穆:……你究竟讲紧乜嘢呀？

小落: 你系咪贪我嘅器官啫？

小穆:……

小落:（后悔）我今日啲稿仲未交呀，我写稿先喇，转头倾呀（内心）就冇再睇佢信息，我好猴急咁摆低手机，自欺欺人咁退出咗软件，心中莫名尴尬，我究竟讲紧乜嘢？我系咪痴咗线，同人讲嘢真系好难。

（第二天）

********请让我沉入海底BGM3********

【语音电话】

小穆:（接听，睡意朦胧）喂？

小落:（淡淡）你好快啲起身食早餐喇。

小穆:（愣住，看了下时间）六点……（自言自语）我系咪发紧梦？

小落: 仲唔起身？

小穆:（愣愣）小落？咩事咁早呀？

小落: 唔系要食早餐咩？

小穆: ……使唔使咁早呀。

小落:（轻咳，小声）鬼叫你寻日咁早叫我，我要早过你，等你知道俾人吵醒嘅滋味。

小穆:（过了一会儿，声音含着笑意）小落，乜你唔嬲咩？

小落:（内心）你都憨鸠，我问你先至啱（故作自然）我边有咁小气啫。

小穆:（笑）嗯，系，小落人美心善，大气温婉，先至唔小气，系我小人之心度君子之腹。

小落:（情不自禁也漏出笑意）玩够未呀。

小穆:哈哈……（起床）嘿！收到落落大人嘅召唤，起身食早餐咯！（边收拾边问）你打算食咩呀？我准备买个肉包同红豆粥，油炸鬼唔健康㗎 ，最好冇食。

小落: 不愧系老师，讲究。

小穆:我又唔钟意食西餐，冇计喇，日日都系嗰啲包呀，馒头油炸鬼豆浆、粥面包牛奶呀，你嗰度有咩好嘢食啫？

小落:（沉默）唔知呀，我都好少出门嘅。

小穆: 咁唔得，你得闲多出去行下喇，晒下太阳做下运动，成日屈喺度好乜易焗出病㗎，我每日……（收住）嗰个……我系咪讲错嘢，对唔住呀，我唔系要管教你，我只系觉得……

小落:没有啊，（轻声）多谢你，你咁样……几好呀。

小穆:啊？

小落:有人管教……都几好。

小穆:那……我咁样，你唔烦咩？

小落:（别扭）你讲嘢好似豆腐婆咁！

小穆: 豆腐婆？你竟然怀疑我性别！

小落:（尴尬）我系话……你可以当我系学生，系咁意管下就得喇。

小穆:（笑）咁点得㗎 。

小落: 点解呀？

小穆:（自然）我对我嘅学生好恶㗎，对你点舍得呀。

小落:……唔好撩我呀，冇结果㗎。

小穆: 呸！边个撩你，我直情当你系阿妹诈！

小落: 好喇，我食饭先喇。

小穆: 嗯嗯，好呀，你要保持依时依候休息同饮食嘅习惯！我会睇住你㗎。

小落:（笑意）好

【要是发现音乐没有了赶紧手动点个暂停，下面这段不需要音乐】

小落:（混响）就咁样，我哋倾偈嘅小火苗图标，一日一日咁变成只船仔，之后系巨轮，当我以为唔会有变化嘅时候，个图标消失咗。

*********请让我沉入海底BGM4*********

（以下全程混响）

小落: 点嘛？近排系咪唔得闲吖？

小落: 好唔容易变成咗巨轮就咁冇咗，你呢排做乜鬼吖？

小落: 喂？人揾唔到？电话又打唔通，我 嬲<nau1 > （生气）㗎 喇。

小落:（想到那次在空间里看到的张女士的内容，越来越慌张）你冇事嘛？小穆，你几好嘛？我呢排都有照你嘅说话早 瞓（睡）早起，依时食饭，你唔系想偷懒啩，喂？唔系啩，又系你话嘅，你自己反而坚持唔住？你系咪唔好意思，所以匿埋咗？

小落:（越来越忍不住哭腔了）好喇，我唔笑你得未呀，我唔 嬲 你喇，你理下我得唔得？出句声都得㗎，小穆，你仲喺唔喺度？

小落:（混响）我发咗好多信息畀佢，每日不停咁发，佢都冇覆我，好似石沉大海咁冇回应。我好担心，佢系咪出咗事，病咗？定系……仲系……我越谂越惊，我好后悔当时冇问佢住喺边，想去搵佢都唔得，起码可以知道佢好唔好，唔系依家咁，唯有无力嘅等待，祈求。卒之，就喺我就嚟绝望嘅时候，佢出现咗。

小穆: 小落，对唔住，呢排阿爸阿妈安排我去相睇，啱啱结完婚，估唔到咧，我居然结咗婚，呵，同一个女人结咗婚，（强调女人，因为他是gay），家头细务忙到踢晒脚，仲有学校要考试，女方嗰边同我阿爸阿妈两头行，唉，总之忙到七彩喇，每日返去乜都唔想做，网都冇心机上，摊低就瞓着，对唔住呀，估唔到你会咁担心我，唉，我一忙就拗晒头，我真系唔想结婚，你唔知我呢几日系点样捱过来嘅。

小落:（愣住，又是想哭又是想笑，内心）我想问佢，咁你知唔知……呢几日我系点样捱过来嘅……只手停留喺发送键上，最终都系选择咗删除，当冇嘢，只要佢冇事，只要佢……健健康康咁，佢仲喺度……就得喇。（擦泪）嗯，冇嘢，祝你新婚快乐。

*********请让我沉入海底BGM5*********

（打语音电话，响三声没人接）

小穆:（打字）小落，你系咪 嬲 （生气）紧我？

小落: 冇呀。

小穆: 咁做咩唔接电话？

小落: 哦，我感冒，唔想讲嘢。

小穆: 咁你听我讲，好唔好，你听住，你打字，唔使讲嘢。

【0:41语音电话】

小落:（犹豫了一会儿，还是接听了）

小穆:（疲惫）喂，小落

小落:（内心）佢把声听起身好 攰 （累），好似好耐冇瞓过咁。呵，同我一样。

小穆:小落，其实结婚一啲都唔快乐，唔单止系因为性取向，仲有….感觉属于自己嘅时间，空间，都被人侵占咗，哦，仲有自己成个人（笑）听落我有点唔要面，明明系我搵人着数。

小落:（打字）咁你点解要结婚？

小穆: 我可以唔结婚咩？可以咩？（苦笑）唔可以呀，小落，只要你有屋企人，就唔可以。

小落:（想到自己的家人，没说话）

小穆:我系独生子，我阿爸阿妈对我好好，几乎有求必应，哦，除咗结婚生仔，我要咩佢哋乜都畀晒我，我甚至可以每日好食懒飞咁，做个二世祖，只要我结婚生仔。

小落:（开口，声音干涩，带着哭后的鼻音）点解一定要结婚生仔啫？

小穆: 你头先系咪喊咗？

小落:（重复问）点解一定要结婚生仔啫？

小穆:（叹气）我阿爸阿妈年纪大咗，佢哋好传统，成日都话 下一代先至系家族嘅延续，我觉得结婚就系欺骗人哋女仔，我真系冇晒符，屋企要香火，老人家要抱孙，而且佢哋都唔知我钟意男人，我唔觉得同性恋有咩可耻，但系我阿爸阿妈接受唔到。我被人讲闲话唔紧要，但系我阿爸阿妈老咗，佢哋冇可能成世唔出门，唔同啲街坊倾偈，小落，流言蜚语嘅力量好大，甚至可以杀死人，你明唔明呀？我唔想我阿爸阿妈面对呢啲嘢，而且同性恋条路好难行。其实我都保证唔到会爱嗰个女仔，但系我会一世对佢好，作为一个男人可以为父母做到嘅一切，呢啲系我唯一可以为佢，为佢哋做嘅。我们每个人由出世长大，再到结婚生仔，最终到老死，呢个系我哋每个人嘅一生，大家都系咁样，我冇勇气去做嗰个特殊。

小落: 咁一出世就夭折，大个就被车撞死啲人咧，还有嗰啲病死嘅，食饭啃死嘅，边个话每个人嘅一生都是你讲嘅咁样。

小穆: 小落，你明知我讲紧乜嘢。

小落:我唔会结婚，更加唔会生仔，你冇胆做嘅嘢，我来做。

小穆:小落……【被挂断】

*********请让我沉入海底BGM6*********

小穆:（混响）我谂，世上真系有种命运，叫风水轮流转，就好似小落之前搏命咁搵我，都冇回音，而我宜家搏命咁搵她，都系一样，个心由立立乱，到担心，之后好惊，到绝望，最后麻木.

（网上登记寻人启事）

【两年后】

小穆:（混响）两年嘞，时间过得好快，我喺度等一个名叫小落嘅后生女，佢好硬颈，有啲强迫症，所以用边个软件都唔改名，佢唔多钟意讲嘢，但系内心好柔软，佢把声咧好好听，听起身好冷，其实好温柔，好似受过伤嘅猫仔咁。小落，我唔知你喺边度，甚至唔知你好唔好，如果你睇到呢条信息，打畀我好唔好，等我知道你过得好唔好，好好咁喺世界嘅某个角落头，或者我哋已经相见但系不相识，或者我哋喺某一刻就已经擦肩而过，只要你话畀我知，你仲喺度，好唔好？我系小穆，呢个系我嘅联系方式。

*********请让我沉入海底BGM7*********

【微信语音条】

  音效:【女人吼】个仔一日喺度喊到 拆晒天噉吖，我同阿妈氹 （哄）极都唔掂，你仲上乜鬼课吖！我凑个仔容易咩？你成日挂住搵你乜鬼网友，究竟我系你老婆，定佢系你老婆呀！你就唔可以辞咗份烂鬼工，专心返屋企陪下我同个仔咩？

—— CV：B（匿名）【粤语港】编外成员

小穆:（深吸口气）我当佢系我阿妹诈，呢排一直搵唔到佢，我惊佢出咗事，所以一路喺度搵紧佢，我同佢冇嘢㗎 ，我呢边就嚟落堂喇，我同领导请个长假，即刻就返嚟，辛苦晒你（0:36发送语音条，苦笑）究竟由几时开始，变成咁样，呵

  音效男 0:52: 穆老师，保安室嗰边话，有你嘅快递喎。 ---CV ：飞小机呼呼呼 【粤语港】

小穆: 哦，好，唔该晒。

【过去拿了快递回来，拆开】

小穆: 一封信？边个会寄呢个畀我 ？（慢慢翻开，怔住）

小落:（混响）小穆，好遗憾，我都未知你生咩样，早知之前就应承同你面基喇，或者问你要啲相或者视频。估到我系边个未呀？冇错，我系小落呀，网上同你倾偈嘅嗰个小落吖。我见到你喺网上发嘅寻人启事喇，嘿嘿，多谢你咁样赞我喎，之前你同我讲过你嘅学校地址，所以咧，就寄咗呢封信畀你，我手机唔见咗，不过好彩我仲背得出你学校地址，哈哈，起码……都可以做个告别啩。

小穆:（喃喃）告别……

小落:（混响）当你收到呢封信嘅时候，我应该已经唔喺度喇，不过你唔使伤心，我系解脱咗。小穆，我话过我乡下系山城，我呢世人都仲未见过真正嘅大海，所以咧，我宜家就去深入了解大海，哈哈（感情自己把握）小穆，对唔住呀，我想笑住同你告别㗎 ，我都仲系好辛苦，我好憎呀，我想做一个冇感情嘅杀手，若果我冇感情，你话几好咧，我有谂过好好咁生活，亦都有按照你嘅说话，每日早瞓早起食早餐，我好想努力咁爱呢个世界，努力爱自己，但系冇计喇，佢哋唔畀我好好咁生活，点解呀？点解我已经好努力咁变好，佢哋都系唔放过我？小穆，我赚咗几万蚊，我想喺一个有大海嘅城市租两间细房，留间畀你，再细都得，有个厨房，洗手间喇，再有一个地方瞓就得㗎喇，我哋就系隔篱邻舍喇，我会努力咁赚钱，等我老咗，我就搵一个保姆嚟照顾我，等我就嚟死嗰时，就求其畀钱一个人，同我办下后事，等佢将我嘅骨灰撒喺大海入边。我希望系咁样嘅生活，真系好想……但系唔可以，再都唔可以嘞，如果我冇感情咁几好，小穆，对唔住，你冇再搵我嘞，挂住我嘅时候，就去睇下大海，祝你同你嘅家庭，可以幸福，美满。你嘅好朋友，小落留。

小穆:（泪模糊视线，喃喃）小落……

【老婆来电，下意识接听，4:55 / 58】

 音效:（女人吼）你唔系话请假返来咩？人咧！做咩仲未到？

你听唔到个仔一直喺度喊咩？你点做人老窦㗎，你噉样我……（被挂断）

小穆:【直接挂断，紧紧的抓着信逐渐痛哭失声】点解会咁样……究竟点解会变成咁样……

【手动切换 下个BGM】

*********请让我沉入海底BGM8*********

小穆:（混响）当时我唔明，佢点解重复讲嗰句，如果自己冇感情就好嘞，直至后嚟，我报咗警，跟住去咗佢乡下，了解到呢几年来，我从来唔知小落嘅故事。佢系乡下出身，有一个细佬，屋企重男轻女。喺佢16岁嗰时，佢未读完中学就出去打工，每个月会将大部分嘅费用寄番畀屋企，成年之后，就开始被屋企催婚，只系为咗鸡嗉咁多嘅聘金，呵……小落系个善良嘅女仔，所以佢恪守孝道。佢唔系冇感情嘅杀手，所以喺佢手机被收咗嗰时，将佢 韫（关）喺间房入边，等住嫁给一个唔识得嘅，陌生嘅中年男人嘅时候，佢谂尽一切办法走出来嘅时候，佢攞起把菜刀，【继续压着音效2同入 1:28】始终落唔到手杀咗佢父母，唯有走出来，寄咗一封信畀我，然之后……沉入咗污糟邋遢嘅鱼塘，冇错，鱼塘，嗰个可怜嘅女仔，最后都见唔到大海，沉入咗佢一直渴望嘅海底。佢干干净净咁来到呢个世间，最后一身污糟咁离开，凭乜嘢？凭乜嘢？

 音效:尖酸妇女大吼: 你个衰仔做咩？！冇以为攞住把刀，我就惊你喎，我话畀你知吖！杀人系犯法㗎！我个女系我生落嚟嘅，我叫佢嫁人又点嘛，嗰个噉嘅不孝女吖！竟然话一世人唔嫁人唔生仔，噉仲系女人嚟嘅？我噉都系为咗佢好啫！唔系佢呢世就被人督背脊㗎喇！点知嗰个衰女包吖，竟然走去自杀？（看到刀子靠近）啊啊啊！你做乜嘢？佢系生定死都系我哋周家嘅人！我凭咩将个女条尸畀你呀？佢死咗都要葬喺我哋周家嘅祖坟（害怕大吼）啊！你痴线㗎，你要佢条尸做乜嘢啫？好好好！我畀你！畀你！（逐渐淡去）

【手动切换 下个BGM】

*********请让我沉入海底BGM9*********

。。。。.。。。.时间分割线。。。。。。。

（大海边）

小穆:（将骨灰撒入大海）小落，你见唔见到？呢个就系大海，你唔系未睇过大海咩，宜家我带你来睇嘞。系嘞，我离咗婚喇，个细路归我。等佢再大啲，我就带佢过来睇下佢嘅落落契妈，（笑）你唔知咧，我喺呢个有大海嘅城市买咗栋楼，好大㗎，仲有两个洗手间添，可惜你见唔到喇，唔系嘅话，你实会钟意啫。

小穆：（小落同入）当初我哋一无所有嘅来到呢个世间，赤身裸体，离开嘅时候自然空空如 也<jaa5>。不染尘埃。你自始至终，都系清清白白，干干净净咁……沉入你最爱嘅海底，小落，再见。

小落：（混响）当初我哋一无所有嘅来到呢个世间，赤身裸体，离开嘅时候自然空空如也<jaa5>。不染尘埃。我哋自始至终，都系清清白白，干干净净咁，等我沉入海底，小穆，再见。

【音乐拉大，可以听完，超好听的，催泪】

唱词：

你喜欢海风咸咸的气息

踩着湿湿的沙砾

你说人们的骨灰应该撒进海里

你问我死后会去哪里

有没有人爱你

世界已然将你抛弃

总爱对凉薄的人扯着笑脸

岸上人们脸上都挂着无关

人间毫无留恋

一切散为烟

来不及来不及

你曾笑着哭泣

来不及来不及

你颤抖的手臂

来不及来不及

无人将你打捞起

来不及来不及

你明明讨厌窒息

【正文完】

妖奈奈结束语:小落一直说希望自己是个莫得感情的杀手，希望自己没有感情，其实就是因为她太重感情了，因为重感情，所以一直逃脱不了家人，一直往家里寄钱，最后反抗的时候，明明拿到刀了，也不敢真朝家里人下手。因为有感情，所以她把自己束缚起来了。也是因为有感情，才会在乎太多东西。她一直在为别人活，而不结婚，不生孩子，才是她觉得唯一能为自己而活的，所以最后，重感情的她反抗不了家人，于是她选择了死亡，来维护自己最后的坚持。而小穆是老师，就习惯性的照顾别人，也习惯性妥协了，她前半生都在为别人着想，可在小落的事件下，刺激了她，她选择了爆发，最后那端不是多余，因为她要完成小落最后的心愿。她什么都为小落做不了，小落最后的心愿，她一定要完成，而且干干净净的女孩儿死在鱼塘真的太惨了。他们两个到后面相互的吸引，就是因为对方身上有自己想要的，但是得不到的东西【此本还有女女版哦】

2020.10.27

注：剧本为原创作品，未经允许，禁止转载，暂不开放广播剧授权，但现场pia戏录音随意，只要你们标上作者名（重点！），不用于商业用途（重点！），我就不管你们传哪儿去，也不用来问我

qq群：290557787

喜欢本宝宝的进哟，无感和讨厌本宝宝的就不要进啦