「国语版 ID：36074」

《 再见莉莉安》

 原创作者：穹霄  授权 柳如诗 粤语改编 

感谢试本：汤丸、鱼尾闻的月、洛一

翻译修改建议：夜尸 【粤语港】

鸣谢CV提供的优质干音 ——  

国语：天倥倥【北京遇见西雅图】

      粤语： V姊【粤语港】

报幕：Kelly凯莉 

剧本粤语版《再见莉莉安》仅限于戏鲸娱乐，禁止商用和转载。

剧本粤语翻译参与者 汤丸仅是过去加入社团后的合作，2023年10月后（包括以后）与我（包括粤语社团）并无关联，原作者仅授权柳如诗粤语改编。

*此本翻配录音上传，必须写明出处，注明作者和作品来源。

【剧本人物】

王波：喜欢安逸、随波逐流的平凡男孩。温吞的声音。

萧莉：清楚自己想要什么，全力以赴的女孩。干净利落的声音。

---

 

走本前提示：BGM音量 拉高到80%

生僻字< 粤拼 同音字 > （释义）

 Bgm-1 —— 从这里开始

---

Adieu

再见莉莉安

你默默地转向一边

面向夜晚

夜的深处是密密的灯盏

它们总在一起

我们总要再见

—— 顾城《再见》

欢迎收听 穹霄 原创双普 《再见莉莉安》

授权【粤语港】柳如诗 / 汤丸 粤语改编

后期：休迦

（序）

---

（报幕后入词）

王波：（旁白独白）嚟到上海12年之后，我返咗乡下。佢哋都话我淆底，我系蛋散，我认。但系萧莉唔系佢哋谂嘅 噉 < gam2 敢 >样，佢冇对唔住我。听佢哋话萧莉公司上线咗一款好劲嘅新产品，佢系执行总，发布会上气场两米八，成班fans喺下边嗌。佢哋话萧莉新交咗个男朋友，系一个细佢5岁，1米85嘅小鲜肉，仲有八嚿<gau6 旧>腹肌添，睇下佢哋唔抵得嘅样呀。萧莉都冇嫌过我，无论系样貌、能力定系人品，佢都系一流嘅，佢宜家成为咩样都系佢自己赢返嚟嘅，佢配。

【夜晚环境，两人脚步】

萧莉：转吓眼就毕咗业，谂返大一报到嘅情景就好似喺琴日噉< gam2 敢 >。

王波：（酝酿）系呀……

萧莉：我到嘞，多谢你送我返嚟，都唔早个嘞，你都早啲唞喇 。

王波：（鼓起勇气）萧莉，其实…我喺大学嘅第一日就钟意咗一个女仔…我钟意咗佢四年，佢生得靓，又叻，人又好，我知我配唔上佢，我一直都唔敢对佢表白，我谂住只要可以经常见到佢，同佢讲下嘢，喺佢需要嘅时候陪下佢就够嘞。（渐哭）之但系，我一谂到过完今日，我哋就分道扬镳，我就好难过……我真系接受唔到……萧莉，我钟意你，我想同你喺埋一齐，呢一世希望我哋风雨同路（无论系晴天雨天），都畀我陪住你，好唔好呀？

萧莉：王波，真系多谢你……其实一直以嚟，你为我做嘅嘢，令我好感动，我呢个人做决定好慢，因为我一旦做咗决定 就会好认真。我宜家问你，你系咪真要同我喺埋一齐，唔系醉酒乱噏<ngap1>嘢（乱说） ？

王波：系！我讲嘅都系真心话，冇半句虚言！

萧莉： 噉我哋……噉我哋就喺埋一齐喇。

王波：（独白）直至好多年之后，我先至知道，呢个就系萧莉。

（上）

 Bgm-2  

【放下物品】    

萧莉：（伸懒腰）卒之都搬晒嘞！王波，我哋要过上最好嘅生活！

王波：（旁白）嗰阵时，我都唔知咩先系最好嘅生活，时至今日，我都系觉得同佢喺30坪出租屋嘅日子，系最开心嘅。我搵咗份游戏媒体嘅工作，萧莉系做广告策划嘅，我哋每朝一齐出门逼地铁，晚黑就一齐煲剧，可惜，我哋嘅生活好似从嚟都唔系容易模式。

【回家环境】

【萧莉瘫倒在沙发上入词】

萧莉：（疲惫）我听日要出去搵嘢做喇。

王波：做咩呀？

萧莉：策划冇中标，成个组都要解散咗……

王波：有咩大不了啫，下次畀心机做咪得咯。

萧莉：（哭）都唔系一两次喇，我觉得我已经好努力个喇，唔知点解 噉 难，都冇人听我讲嘢，冇人在乎我。王波，上海咁大，我得翻你啫……

王波：你都系冇去返工喇，我养你呀。

萧莉：（哭）

王波：（旁白）萧莉搵咗好几份工，一直都唔顺，好彩我收入仲可以顶得住。游戏媒体嗰阵时都几兴 ，我写嘅评测有好多人睇，仲喺一个大游戏论坛度做管理，指点江山。我咧时间观念好差，作息颠倒，佢就好细心噉 照顾我。

萧莉：（半夜醒来）王波你又冇瞓呀。

王波：（专心打游戏）我要过埋呢关先得，赶住催稿呀。

萧莉：（顿）以后等我帮下你喇，你嚟教我，你冇捱夜（熬夜）嘞。

 BGM-3 

王波：（旁白）：萧莉好快就学识咗，佢玩游戏好有天赋，谂<lam2 > （想）法都好独特，佢可以见到我班男人好多都睇唔到嘅细节。

萧莉：呢个任务流程好唔人性化呀。

王波：我觉得几OK呀，来回走多几转啫。

萧莉：问题呢个系每日任务喎，玩家每日都要走返次，鬼都嫌烦喇。

王波：你嗰啲系傻瓜思维，当年我哋玩掌机嗰阵时，一关都可以打到100次喇。

萧莉：傻瓜思维又点嘛，宜家好玩嘅嘢咁多呀，边个仲同你打100次呀，想留住啲玩家咧，要靠社交，同埋玩家之间嘅互动。

王波：（旁白）佢亦都开始写测评发喺论坛度，一开始内容排版都系跟我学嘅，后尾佢喺论坛上便慢慢都出咗名，点击量都几高下，仲有大网站转载添。

萧莉：王波，食饭喇。

王波：嚟喇。（边吃边说）部门大狗离咗职，佢想拉埋我去创业。

萧莉：做乜嘢？

王波：做游戏，仲争个策划。

萧莉：系咩类型 ？

王波：话系啲咩偏社交嘅轻游戏，咩收集，养成，小游戏，嗰啲乱七八糟啲嘢呀。

萧莉：你唔睇好咩。

王波：唔系呀。我唔多想去，宜家都几好呀，打打机吹下水。

萧莉：（沉默了一会儿）王波，我求你件事呀。

王波：（被吓）咩事，咁大镬< wok6 >（严重）呀……

萧莉：我想去大狗间公司试下，你可唔可以帮我讲下。

王波：（旁白）我放低筷子，望住佢，眼里面都系祈求恳切嘅神情，我……冇办法拒绝噉样嘅佢……一个礼拜之后，佢去咗返工，就喺张江公司角落头入边租咗一圈工位，连个招牌都冇，由我哋租嘅房过去要行两转地铁，再转公交。

 BGM-4  

【萧莉公司】

【王波脚步】

萧莉：王波？做咩咁远走过嚟呀。

王波：有啲夜唔系几放心，我带埋宵夜畀你哋。

萧莉：大狗返去氹< tum > （哄）仔呀，等啲细蚊仔 瞓 咗再嚟，嚟~等我介绍下，呢几个系我哋嘅技术大哥，呢个系美工组，嘘，美工组喺开紧会，策划组今日就得大狗同埋我。

王波：你呢度……几掂喎…… 攰 <gui6 > （累）唔攰呀莉莉，一系早啲返去喇。

萧莉：冇嘢呀，我有个策划案仲未搞完，你再等下我好唔好，我好快就做完个喇，等大狗返嚟就交畀佢，我哋就走。

【换BGM入】

王波：（旁白）萧莉好快仲忙过我，除咗策划，佢仲身兼测试。游戏开发使钱好似出水噉，投资人嘅钱都使晒，到咗年底大狗自己垫入去嘅钱都唔够，佢心急如焚，周围借钱，班friend对佢都避而不见，我见到萧莉对眼日日都系血丝，就打咗六万畀佢。喺跨年呢日，我陪萧莉喺公司开O.T.嘅时候瞓< fan3> 着咗，醒返嗰阵，咁大间办公室净低佢一个喺度望住窗外边嘅黑夜。

萧莉：跨年啲人早就散咗喇。

王波：倒计时完咗都差唔多嘞。

萧莉：你仲记唔记得我哋第一次喺外滩跨年？

王波：…… 再瞓 多阵喇，地铁仲有几个钟先至开。

萧莉：（突然捂嘴泪崩）

王波：（不知所措）莉莉……

萧莉：（痛哭）呢个游戏就好似系我嘅细路仔噉，我真系唔想放弃呀，唔想放弃……

王波：（笨拙）莉莉…冇喊喇，至多唔系…都系我养你喇……

萧莉：（控制情绪，哽咽）你唔明个喇……唔明。（整理情绪，大声向窗外）我一定要过上最好嘅生活！一定！

王波：（旁白）喺嗰一刻，我突然之间明白咗，佢都仲系三年前嗰个萧莉，从嚟都冇变过。项目勉强捱到春节之后，畀一间大公司睇中咗，又救翻生。将近一年之后，萧莉每日早出晚归，我几乎都见唔到佢，一开始佢每日都会发信息畀我，后尾我经常唔覆佢，佢慢慢再都冇发畀我。

萧莉：（电话音）我赶夜班嘅地铁返嚟，个锅入边有嘢食，你食住先，乖~

王波：知喇，注意安全呀。

萧莉：（电话音）我开紧会，有咩事一个钟之后再call我喇。

王波：注意休息。

萧莉：（电话音）你喺唔喺度，有冇睇到我发畀你嘅信息？

萧莉：（电话音）早啲唞喇。

萧莉：（电话音）我喺度忙紧。

 BGM-5 

王波：（旁白）我记唔清佢哋嘅游戏系几时上嘅线，萧莉同班同事出去庆功，我喺屋企瞓觉。萧莉叫我同佢哋嘅游戏做测评，我唔钟意呢种类型，不过我承认呢款游戏都唔错，反响亦都好好。游戏上线半年之后，萧莉攞咗奖金，超过咗我工作以嚟赚嘅全部钱，足够我哋租一间屋， 日子都过得家肥屋润。

【无BGM-家庭环境入】

萧莉：今年我哋同第间工作室合并咗，仲新招咗几个人，规模大咗一倍，连我都管返几个人添。

王波：唔错呀。

萧莉：你睇，呢个系我哋新项目嘅方案，商业秘密嚟㗎，你点睇呀？

王波：咁低B，我唔睇……

萧莉：唓< ce1>（切），唔睇咪唔睇咯……

王波：你哋啲游戏系呃钱嘅啫。

萧莉：有本事你都去呃呀！

王波：……

萧莉：（认真）王波，你对游戏嘅见解咁深，就真系冇谂过做自己嘅游戏咩？

王波：去间游戏公司就可以做自己嘅游戏咩？又唔系做老细。

萧莉：你咪 拗颈 （抬杠）喇，至少你都参与咗嘛，有自己负责嘅内容，讨论嘅时候大家都会听下你嘅意见嘛。

王波：……

萧莉：王波，我知你哋旧年广告任务未完成，今年可能仲差，媒体可能就快唔得个嘞，好多功能宜家都集成咗，客户端本身就系个社交入口，以后手机平台仲不得了……

王波：（被刺痛）你嗰半桶水冇喺我面前认叻喇，识少少扮代表……

萧莉：我系好心呀！王波，喺我哋最困难嘅时候都捱咗过嚟，大狗一直都话唔系你嘅话，我哋一早就散咗档，大家都好希望你可以同我哋喺埋一齐㗎！

王波：我再考虑下。

萧莉：你再谂下喇，谂好咗同我讲。

王波：（旁白）如果系大狗嚟劝我，可能我会应承。我同萧莉越嚟越少嘢讲，我觉得我哋就快散。我舍唔得佢，之但系睇住佢又好激气。佢日日都忙到踢晒脚，我每日都无所事事，除咗打机，就系写软文。就系噉过咗三个月，我卒之决定要加入大狗间公司，呢个时候我阿妈查出有cancer（癌症）。我接咗佢嚟上海做手术，留喺屋企住。萧莉忙住工作，我都要照住我阿妈。嗰件事，就噉算咗。

（下）

 Bgm-6 

【萧莉赶来】

萧莉：点样，阿姨几好吗？入咗去未？

王波：（恍惚）你点会嚟嘅……

萧莉：你阿妈唔系要动手术咩？

王波：（哽咽）莉莉…我有啲惊……入去之前摸咗我阿妈嘅手，冻冰冰 噉，佢都冇晒反应……

萧莉：唔会有事㗎，唔系拍咗片咩，冇扩散嘛？

王波：（啜泣）我阿妈都仲未享过一日福……

萧莉：好喇好喇，男人老狗流咩马尿啫，定啲嚟。

王波：（颤抖哭泣）我阿爷就系喺手术台上冇咗嘅，我……我……

萧莉：（抱住他）我喺度嘛，我哋一齐等阿姨出嚟。

王波：（呜咽）我妈最钟意细蚊仔，我惊佢仲未抱到孙就……

萧莉：（顿）王波，等你阿妈出院，我哋就结婚。

王波：（旁白）就系噉样，我哋就结咗婚，冇房，冇车，冇钻戒，冇婚礼，乜都冇。萧莉化咗妆，着埋咗唔多着嘅衫，佢叫我亦都正式点，话晒都算系个仪式。我阿妈康复得几好，好快就返咗乡下，生活又翻到原来嘅样。

 BGM-7 

萧莉：同事都话啲楼价又要升喇，我哋都买层楼呀。

王波：……仲升？我睇到郊区都要成三四万……

萧莉：宜家唔买呀，过两年六七万添嘛。

王波：我唔信，老百姓一年先至搵几多钱啊，国家可以唔理咩？

萧莉： 噉你买唔买呀。

王波：我嗰啲钱边够畀首期呀……

萧莉：我都有啲积蓄 㗎 <gaa4 加> ，我阿爸阿妈都会畀啲，你都问下屋企人攞少少喇。

王波：我唔知可以要到几多，我阿妈医病都使咗唔少钱……

萧莉：噉我同你结婚呀，咩都冇要，宜家买间屋啫，你哋屋企都好应该表示下。

王波：（嘟囔）上海嘅楼价鬼咁贵，我乡下先至三千，省城都只系七八千……

萧莉：（发作）噉你一个人返乡下喇，我先唔会同你去！

王波：（旁白）冷战两个礼拜之后，我屈服咗，我哋开始揸紧时间去睇楼，我想买旧嘅公屋，萧莉想买地铁次新，我哋嘈到拆晒天噉，都系佢得逞咗。佢充满咗成就感，我只系觉得心力交瘁，甚至开始怀疑人生。我哋远离家乡，攞晒阿爸阿妈啲钱，呢世人就为咗喺呢个陌生嘅城市企稳，真系值得咩？

（为咗喺呢个陌生嘅城市立足，我哋远离家乡，攞晒阿爸阿妈嘅钱，赌上一世，真系值得咩？）

萧莉：王波，今日去公司呀？

王波：（赖床）唔去……

萧莉：噉我走先喇，今日会好夜返嚟，你自己搞啲嘢食喇。

王波：（旁白）萧莉已经系策划同文案部嘅主管，公司全部 Case （案子）都要佢过手。我睇住佢忙到踢晒脚噉，谂起几年前嗰个，我一手教佢玩游戏嘅佢，觉得好好笑。我公司嘅业绩果然越嚟越差，人工得翻以前嘅一半，我醒起萧莉讲嘅嗰个提议。

 Bgm-8 

【萧莉走过来坐在王波身边】

萧莉：你听我讲，你宜家冇可能以合伙人嘅身份加入个喇，公司唔系大狗一个人嘅，要令大家服气先得个嘛。

王波：（沮丧）系大狗叫你噉讲㗎。好呀，我知喇，今非昔比嘛。

萧莉：大狗话只要你需要佢，佢实会帮你 㗎，我哋宜家有单Case，你先做个方案畀我睇下先……

王波：（好笑）萧总，你系唔系同你班 僆 <leng1 > （小弟）讲嘢惯咗？

萧莉：你咪当帮下朋友 啰，如果拣中咗，即刻畀你做主策都得。

王波：我试下喇……

萧莉：你畀啲心机呀，我会帮你㗎。

王波：（旁白）我三心二意，唔嗲唔吊噉 （拖拖拉拉） 先至做完晒萧莉畀我嘅Case（案子），佢好开心，仲捱咗几夜帮我修改。

 BGM-9 

萧莉：（疲惫）我同你讲单嘢，你要有心理准备喎。

王波：方案系咪Pass咗？

萧莉：我唔可以因为呢个系我哋做嘅方案，就影响评审嘅公正性……

王波：（打断）你唔好同我打官腔，究竟系咩问题，你讲呀。

萧莉：呢个方案嘅完成度好高，喺内容同盈利模式都唔错，但系佢有啲太理想嘞，有啲技术仲未可以完全实现，仲有咧，大狗觉得核心模式可能无系几啱宜家啲新玩家嘅口味……

王波：（打断）大狗呢个扑街呀！

萧莉：呢个唔系大狗一个人嘅意见呀！

王波：（打断）呢个系我从业游戏十年嘅心血之作，叫佢睇清睇楚再嚟评价！

萧莉：（打断）呢个系成个评审组一致嘅意见！（顿）大狗嘅方案都冇用，最后我哋拣咗一个啱啱入职嘅90后嘅方案。

王波：由佢喇，有乜所谓啫。

萧莉：你冇噉抵触喇，我哋嘅方案仲有好多创意可以攞出嚟用㗎 ，你亦都可以到我哋公司做……

王波：（打断）做乜嘢，同班90后打杂呀？定系同我哋嘅萧大策划 斟 < zam1 针> 茶递水呀？

萧莉：你认清现实喇，游戏编辑你系资深，但系策划你系新手嚟㗎。你唔知游戏制作几咁复杂，亦都唔知宜家啲玩家口味变化有几快，产品生命系以月嚟计㗎，想知道90后、95后钟意啲咩，就唯有向佢哋学。90后又点？人哋态度端正，一啲都唔比你差！

王波：我打遍网吧嗰阵时，佢哋仲系喺度着开浪裤呀。

萧莉：我知，你由心底就觉得我不如你，系呀，我遇到嘅每个人都比我有资历，所以每个人我都愿意向佢哋虚心去学，噉样先至系提高自己最快嘅方法 ，唔系咩？呢啲挫折又算得咩呀，你知唔知我有几多方案俾Pass咗？你冇活喺自己嘅世界里边呀，听我一次喇，我哋系一家人嚟㗎……

王波：（打断）你仲知道我哋系一家人咩？（爆发）你睇下呢度仲似个家嘅样咩？成日成晚都唔返嚟，你当呢度系旅馆呀！

萧莉：（悲哀笑）你觉得我好过咩？定系我噉样好开心呀？

王波：我睇你都几开心喎，嗰班僆<leng1 >仔成都围住你，嗌你女神，日日同呢个嗰个食饭，唔系投资人就系渠道商，哦，仲有班fans……

萧莉：（打断）你收声呀！我都系为咗工作咋！

王波：（打断）你收声！

萧莉：（爆发）我咁博命都系为咗我哋！为咗呢头家呀！

王波：（爆发）你噉系为咗你自己！你就系为你自己！

萧莉：我系为咗我自己，你每日喺屋企无所事事又为咗边个呀？我都要三张个喇，（委屈流泪）但系我哋宜家噉嘅样，我又点可以唔做嘢，唔开O.T.呀？

王波：虚荣嘅女人，鬼叫你买咁贵嘅楼呀？

萧莉：我想过得好啲有错咩？我想老人家有事可以住埋嚟 都有错咩？

王波：（宜家都搞成噉样）都噉嘅撚样，我点极都唔明你一定要坚持！

萧莉：我坚持系因为我哋肯定得！

王波：我哋喺乡下一样可以过得好好㗎 ！

萧莉：只要我哋一齐努力就可以留喺上海，我点解要返乡下？

王波：有宝咩，呢啲咪就系虚荣咯！

萧莉：你以前都唔系噉㗎 。

王波：你嫌我冇出息 ，你咪直接讲咯。

萧莉：我嫌你冇出息，呵呵，我嫌你冇出息……

 BGM-10 

王波：（旁白）我开始避萧莉，我搬去第间房住，佢返嚟嘅时候，我唔系瞓紧觉（睡觉）就系扮瞓。我哋最长时间都有成个月都冇讲过嘢。一间大公司 撬 走萧莉嘅时候，佢终于提出咗离婚。

萧莉：我哋离婚喇，你考虑下。

王波：（嗫嚅着改口好几次）…… 离咪嚟 囖……

萧莉：（生气失望）你 谂 好未，行出呢一步 就冇得翻转头！

王波：唔系你话要离嘅咩？

萧莉：（泪水夺眶而出，几次开口终于没有说话）

我们说好决不放开相互牵的手

可现实说光有爱还不够

走到分岔的路口

你向左我向右

我们都倔强得不曾回头

我们说好

就算分开一样做朋友

时间说我们

从此不可能再问候

人群中再次邂逅

你变得那么瘦

我还是沦陷在你的眼眸

（尾声）

王波：（旁白）我哋开始咗离婚谈判，我唔敢同屋企人讲，身边有啲朋友话攞房，有啲话攞钱，我倾向于攞钱，因为我唔想一个人揽晒啲贷款，亦都攞唔出钱畀萧莉，之但系面对萧莉嘅时候，我就死顶落去，我分明记得，我应承离婚嘅时候，佢极其失望嘅眼神。

萧莉：我想要层楼。

王波：我咩都唔要。

萧莉：（无语）你认咩叻啫，嗰啲系你全部身家嚟㗎，仲有你阿爸阿妈啲钱咧。

王波：你都跟咗我七年几，乜嘢都冇畀到你，呢层楼你自己留返喇，咪当系留番个念想。

萧莉：（沉默）王波，你已经畀咗我好多好多嘞。（哽咽）我啱啱做嘢唔顺嗰阵时，系你养咗我几年，系你教识我，带我入门，系你帮我搵咗份工，系你攞啲钱出嚟救翻我哋嘅项目，系你陪我撑过最艰难嘅日子，我感谢你为我做嘅一切，感谢你畀机会我实现我嘅梦想……（哽咽中断）你过去畀唔到我嘅，我宜家都唔贪，我爱你，唔系因为你畀到啲咩我，而系因为你系点样嘅人，我哋会行点样嘅路。嗰啲嘢我哋都可以一齐努力争取，只要我哋喺埋一齐，我就会全力以赴，爱唔系钱可以衡量，我好后悔，我真系好后悔……（哽咽中断）对唔住，宜家嘅你，我真系冇办法爱落去。王波，有一日你会明白，你畀过我嘅一切，你呢啲钱同埋呢层楼都买唔到你嘅安心，亦都买唔番我爱你……

王波：（旁白）我好似从嚟都未听佢讲过我爱你，直到分开嘅时候，先至知道佢系爱我嘅。我突然间觉得，嗰阵时，喺佢眼神里边流出嘅依赖同埋期待，佢沉默嘅理解同埋体谅，佢奋不顾身嘅厌难折冲，无时无刻都话畀我知，我爱你。

萧莉：（冷淡）我会畀翻钱你，我哋结束喇。

王波：（旁白）萧莉开始周围借钱，我有啲睇唔过眼，帮佢还咗两次贷款，后尾，我收到佢嘅信息。

萧莉：多谢，以后唔使再帮我还。

王波：（旁白）萧莉问咗大狗仲有好多人借咗钱，终于将我出嘅首期 连本带利还返晒畀我——但系已经冇意义，喺我哋办紧手续同埋佢筹钱还畀我嘅时候，上海嘅楼价开始一路系噉升。我知道，都系时候返乡下嘞。

王波：（旁白）时间过得好快，我喺乡下搵到份工嘅时候，听讲萧莉主策嘅大作上线，我都有去玩。出咗新手村之后咧，会遇到一个荡失路嘅细佬女，叫莉莉安，仲有一个戆<ngong6 >  居居 （笨笨的）嘅肥仔一路喺度照顾佢。后嚟喺主城里边遇到已经成为咗骑士嘅莉莉安，佢会畀玩家一个任务，佢一直都好挂住嗰个肥仔，之但系，佢已经身在远方。我笑咗下，咁鬼老土嘅名，都唔知系边个起嘅。

（混响）

萧莉：王波，我想注册你哋嘅论坛，你帮我改个名呀。

王波：噉就叫莉莉安喇。

—— end ——

—— 更多 粤语本 推荐 ——

【粤语双普】

——1男1女——

现代淡本【383393】<车站 >9千字

现代纯爱淡本 【511559】<应是应时>3千字

现代友情淡本【819667】< 蒙面聊 >3千字

动漫欢脱本【897225】< 齐木楠雄的灾难>2千字

现代淡本【579895】<苏格拉底与失恋者的对话>2千字

—— 2男 or  2女——

现代耽美甜本【747905】< 过招> 4千字

现代友情淡本【598449】< 只有你知道 >2千字

现代友情淡本【542761】<一起活到八十岁>4千字

【粤语多人普】

——1男2女/2男1女——

现代苦本【198039】< 阳光之下罪恶生根 >6千字

现代苦本【511363】< 孤注 >1万2千字

现代欢脱本（无性别）【282023】<福禄荃寿  > 3千字

近代苦本【386364】< 杀手蝴蝶梦 >3千字

——2男2/3女——

古风灵异【278409】《美人骨扇》1万5千字

现代苦本【471357】< 灵感 >9千字

近代淡本【831727】< 最好的时光第一集 >3千字

【粤语剧情歌】

现代欢脱本【251639】<杠精 >4千字

现代甜本【364251】< 肉麻无罪 >5千字

现代甜本【342737】< 肉麻无罪2 >5千字

微燃剧情歌【303705】< 飒 >3千字

现代欢脱本【923407】< 做个开心人>3千字

现代欢脱本（无性别）【282023】<福禄荃寿  > 3千字