「国语版：671277」《一起活到八十岁》语茉「原创」

原创作者/后期：语茉

授权粤语改编 / 封面：柳如诗 粤语港

剧本仅限于戏鲸娱乐，禁止一切商用和转载

玩法 ：2女。1男1女 / 2男，适当改某些词就好。

剧本人物

香织：性感、豁达。

丁夏：乐观、单纯。

请开始你的表演

BGM -1

医院 / 心电图

香织：夏夏~ 夏夏~ 快啲醒下喇~

丁夏：（睁眼）香织，你点会嚟嘅？

香织：担心你呀，咪过嚟睇下咯。

丁夏：你呢身打扮系……

香织：我参加咗登山抢险队，唔使担心喎，你好快会有一颗年轻跳动嘅心脏，等你好番晒咧，我哋讲下男人……一齐饮酒。

丁夏：好，只怕我等唔……（被打断）

香织：放心喇，你会长命到八十岁嘅。

丁夏： OS 我有一个好姊妹，如影随形，不离不弃，仲好过亲生姊妹，当我每次难过痛苦嗰阵，佢会一路陪住我，学佢话斋，冇咩系饮酒解决唔到嘅嘢，一次唔得就两次……

不想等 / 手动拉B：02:04

一年前酒馆

倒酒音效后入词

丁夏：你一啲都冇变过。

香织：你都系吖。

丁夏：出嚟斋饮啫，使唔使着得咁锡士吖。

香织：你第一日识我呀。

丁夏：啱嘅。

香织：讲啦，最近点嘛？

丁夏：挂住你啫嘛。

香织：喂~ 你咁嘅样，仲想扮嘢。

丁夏：你话爱情系乜嘢？

香织：（喝酒喷出来）你几多岁呀？仲相信爱情？

丁夏：几岁又点喎？爱情令人变得有期待、变得温柔，唔得咩？

香织：有时，我真系服咗你，永远都畀一时间嘅浪漫蒙蔽，硬系唔识得多一事长一智。

丁夏：寻日我发咗个梦。

香织：讲嚟听下。

丁夏：梦到我嘅王子身披金甲圣衣，脚踏七彩祥云。（被打断）

香织：嚟娶你？

丁夏：唔系，系娶咗第个，我唔系佢嘅紫霞仙子，我只系梦入边嘅观众，亲眼睇住本嚟应该着喺自己身上嘅嗰套嫁衣，着喺第啲女人身上。

香织：证明佢唔系你嘅王子。

丁夏：咁讲过嘅嗰啲情话算乜嘢？

香织：笑话咯。

丁夏：一个合格嘅前度，斩缆之后，佢应该唔再对我好。

香织：或者人哋唔舍得你呢个啤肽（备胎）咧。

丁夏：喂~ 我失恋大晒呀，边有你噉讲嘢㗎 。

香织：忠言刺耳有益行。

丁夏：（喝酒）跟住我梦见喺个人嘅心入边，我问佢个心，我系咪佢最爱嘅人，佢话系，我又问佢，噉点解唔可以喺埋一齐，佢话佢输畀生活。

香织：成年人嘅无奈。