「国语版：369143」《蒙面聊》伊衣艺「原创」

授权柳如诗粤语改编「粤语版」《蒙面聊》

剧本仅限于戏鲸娱乐，禁止商用和转载

*此本翻配录音上传，必须写明出处，注明主创和出品。

感谢试音：仄言

后期：孤陌社团

剧本人物

陶然：男，27岁，体制内工作，外表开朗，健谈，幽默，实则忧郁封闭。

楠渊：女，创业老板，陌生人面前清冷少言，熟人面前跳脱率真，实则敏感，重感情。

蒙面pia戏匹配音效

楠渊匹配了9 次，终于看到了一个青攻音

手机振动声-入词

楠渊：hello~

陶然：hi，你好。

楠渊：要唔要走本呀？

陶然：……额，可以。

楠渊：你好似唔多想玩喎，或者倾下闲偈都得㗎 。

陶然：你好似好识得睇穿人哋啲心思。

楠渊：可能今日有啲闷啩，你已经系我匹配嘅第9次嘞。

陶然：我都系呀，平时冇咩耐心等咁耐。

楠渊：噉我问，你嚟答吖，超过3秒，我就转个嚟问。

陶然：呵，好吖。

楠渊：工作、事业、身体、感情、情绪？

陶然：情绪啩。情绪同感情，好似系相关嘅。

楠渊：郁闷、烦躁、发火、压抑定系冇乜兴趣？

陶然：好似都唔系。

楠渊：噉即系……孤独喇？

陶然：……嗯，可以噉话，就好似身边突然想倾偈嘅人都冇咗。

楠渊：“突然冇咗”，即系话以前系有嘅，噉点解呢啲人冇咗嘅？

陶然：……可能系因为，我有CP啩？

楠渊：你原来嗰啲“可以倾偈嘅朋友”，系咪女性朋友比较多？

陶然：嗯，系。

楠渊：对方有咗CP之后，保持距离系应该。噉即系话你呢班friend，真当你系朋友而唔系暧昧对象。

陶然：暧昧对象，喺我有咗CP之后都会疏远。

楠渊：又啱嘅，家阵嘅社会，节奏太快，功利心又咁强。短期追唔到你，好快就转第二个，就好似系“边个都得”。

陶然：你隔夜仇唔少喎？

楠渊：唔系呀，只系唔明啫嘛。CP系建立喺钟意嘅基础之上，喜欢一个人，边有咁易呀？家阵啲人CP一两个月就换咗第个？

陶然：“钟意”？噉就睇你点定义“钟意”喇？三观、兴趣、大家嘅要求都差唔多，重要夹时间，就已经好难得。噉难得 ，咪倾多两句，行多几个本，再加埋咁啱得咁桥，所谓“钟意”嘅感觉自然咪有咯。

楠渊：“ 咁啱得咁桥”，比如失眠嗰时，咁啱见到对方在线？同时都濑嘢，一齐闭麦挂机？或者喺你觉得好闷嘅夜晚，突然间想讲嘢。

陶然：冇错，咪好似我哋宜家噉样咯，大家同时想讲嘢。……讲埋啲平时唔多会讲嘅嘢。

两个人沉默了一会。

楠渊：你系咪喺体制做嘢㗎 ？

陶然：…… 你点知㗎 ？

楠渊：睇你倾偈嘅样，唔急唔躁，唔嗲唔吊噉就知喇。宜家系工作日嘅夜晚6：45分，可以喺呢个时间收工返到屋企嘅，你好可能喺中小城市返工，离屋企好近。

陶然：犀利，你观察得好细致。

楠渊：其实我有啲唔明，你拣咗体制做嘢，即系想要稳定简单嘅生活方式。噉点解唔喺现实拍拖咧，而喺网上搵CP？